![](https://shapingourfuturewellbeing.com/app/uploads/2023/10/SOF-RGB_Community-Icon.png)
Trosolwg o’r Hybiau Llesiant
Adeiladu cyfleusterau gofal sylfaenol sy’n addas i’r diben i gefnogi ein gweledigaeth ar gyfer gwasanaethau cymunedol a gofal sylfaenol.
![SOFWitC Website SOFWitC Website](https://shapingourfuturewellbeing.com/app/uploads/elementor/thumbs/SOFWitC-Website-qdern9z37kx81l7nw2b81duc1hvhaeocnwav3am83s.png)
![](https://shapingourfuturewellbeing.com/app/uploads/2023/10/9DE375F8-C1A5-49D9-A679174115EB9504_profileimage-2-e1696504870880.jpg)
Hybiau Llesiant yw gweledigaeth y Bwrdd Iechyd ar gyfer dyfodol Gofal Sylfaenol yng Nghaerdydd a’r Fro.
Byddant yn helpu i ddarparu llwybrau a modelau newydd i hyrwyddo lles corfforol, meddyliol a chymdeithasol mewn partneriaeth ag awdurdodau lleol a’r trydydd sector.
![](https://shapingourfuturewellbeing.com/app/uploads/2023/10/SOFW-Petals-1-768x644.png)
![](https://shapingourfuturewellbeing.com/app/uploads/2023/10/NC062655-768x511.jpg)
Gan hyrwyddo lles ac atal achosion, mae Hybiau Llesiant yn caniatáu mynediad lleol at wasanaethau ac yn cael eu datblygu a’u harwain gan y gymuned, i feithrin ysbryd cymunedol cryf. Maent yn amgylchedd croesawgar i bawb, sy’n ymgorffori gwerthoedd cydweithio, gofal a pharch.
Cwestiynau Cyffredin
Mae Hyb Llesiant yn gyfleuster iechyd a lles integredig sy’n canolbwyntio ar y gymuned. Mae’n rhoi mynediad i bobl at ofal sylfaenol (er enghraifft meddygon, ffisiotherapyddion ac optometryddion) ac ystod ehangach o wasanaethau iechyd, gofal a lles yn y gymuned.
Nid yw’n disodli gwasanaethau meddygon teulu, ond yn darparu gwasanaethau yn y gymuned a fyddai fel arfer yn cael eu darparu mewn ysbytai. Gallai’r gwasanaethau hyn gynnwys gwasanaethau mamolaeth, diagnosteg, ffisiotherapi a gwasanaethau cleifion allanol eraill. Maent yn ein galluogi i ddarparu ystod ehangach o wasanaethau yn agosach at y cartref.
Mae Hybiau Llesiant yn rhan o’n cynnig i wella seilwaith i ddarparu cyfleoedd helaethach ac ehangu’r hyn a gynigir.
Gall Hybiau Llesiant ddarparu’r canlynol:
- Gwasanaethau Meddygon Teulu
- Gwybodaeth, cyngor ac addysg ynghylch iechyd a lles
- Clinigau iechyd cymunedol e.e. nyrsio ardal, iechyd plant, iechyd rhywiol, podiatreg, deieteg ac ati
- Gwasanaethau bydwreigiaeth cymunedol
- Gwasanaethau Iechyd Meddwl Sylfaenol
- Gwasanaethau cleifion allanol penodol i fodloni blaenoriaethau iechyd
- Gofal cymdeithasol a darpariaeth trydydd sector/grŵp cymunedol
- Gwasanaethau eraill wedi’u teilwra i ddiwallu anghenion penodol y gymuned leol
Gall unrhyw un yn yr ardal ddefnyddio Hybiau Llesiant, o ba bynnag feddygfa.